Visite vum Recyclingcenter Munsbach

Plastik ass net gläich Plastik!

Dass et verschidden Zorte Plastik gëtt an dass et einfach Tricker ginn, fir dat ze erkennen, sinn eis Schüler aus dem Cycle 2.2 am Recyclingcenter Munsbach gewuer ginn.

Si hunn och geléiert, dass verschidde Saachen zu gréissten Deel kënne recycléiert ginn, anerer éischter duerch Verbrennung fir ze hëtze benotzt ginn.

Am meeschten hunn si sech awer natierlech fir dee Beräich interesséiert, wou een eppes fir näischt ka mathuelen.

Also, léif Elteren, huelt är Kanner déi nächste Kéier onbedéngt mat an de RC Munsbach!

Mir soe Merci fir dee léiwen Accueil an d'Erklärungen iwwert de Recyclage.