Spilleresch Entdeckungsrees mat MiMaMu

De Cycle 3.2 hat d’Geleeënheet, un engem Workshop vu MiMaMu matzemaachen, deen ënnert dem Thema Playfully stoung. Dëse kreativen Atelier huet sech ganz ëm Kierpersprooch a Kierperbeherrschung gedréint.

D’Schüler hunn duerch spilleresch Übunge geléiert, wéi si hire Kierper bewosst asetze kënnen, fir sech besser auszedrécken an hir Beweegungen ze kontrolléieren. Duerch kreativ Aufgabe konnten d’Kanner net nëmme vill léieren, mee haten och eng grouss Freed un der Beweegung an der Entdeckung vun hirem eegene Potenzial.

Et war e liewege Workshop voller Energie, Léieren a Spaass – eng Erfarung, déi eise Schüler sécher nach laang an Erënnerung bleift!