LU
chevron_leftzréck op Publikatiounen
MEGA-Woch 2025
09 März

MEGA-Woch 2025

Sensibiliséierungswoch zum Weltfraendag – Eis Schoul war dobäi!


D’Schëtter Gemeng huet zesumme mam MEGA-Ministère (Ministère de l'Égalité des genres et de la Diversité) eng spannend Sensibiliséierungswoch zum Thema Weltfraendag organiséiert – an eis Schoul war dobäi!


📌 Cycle 2.2: Hei gouf op spilleresch Aart a Weis mat Virurteeler opgeraumt! Eng Liesung vun der Madamm Mireille de Waha huet d'Kanner an d’Thema Rollebiller am Sport agefouert.


📌 Cycle 3.2: An engem Workshop mam Här Jean-Claude Bisenius vum MEGA-Ministère hunn d’Kanner sech mat stereotype Virstellunge befaasst a geléiert, wéi se dës erkennen a reflektéiere kënnen.


📌 Cycle 4.1: Eng wichteg Sensibiliséierung iwwert haislech Gewalt gouf duerch e Workshop mat zwou Responsabel vum Foyer-Sud méiglech. D’Kanner hunn hei op eng verständlech a respektvoll Manéier iwwert dëst eescht Thema geschwat.


📌 Cycle 4.2: D’Thema Sozial Medien stoung hei am Fokus! An engem weideren Workshop mam Här Bisenius hunn d’Kanner sech mat de Chancen a Risiken vun de sozialen Netzwierker auserneegesat.


Eis Schoul seet MERCI un d’Gemeng Schëtter, de MEGA-Ministère an all déi engagéiert Persounen, déi dës Woch méiglech gemaach hunn. Mir freeën eis schonn op d’Editioun 2026! 💜